Samangan ټاکنیز خبرونه

يبک (پژواک، ۲۹ تله ۹۷): وسله والو طالبانو د سمنګان دره صوف پايين ولسوالۍ کې د پنځو کليو په نيولو سره ، هلته د رايې مرکزونه غير فعال کړي او زرګونه کسان له رايې ورکولو محروم شوي دي.
د ولسي جرګې ټاکنې تېره ورځ (۲۸ تله) پيل شوې او لا هم په ځينو ولايتونو کې د رايې ورکولو مرکزونوکې چې تېره ورځ د بېلابېلو عواملو له امله غير فعال وو، ټاکنې دوام لري.
له سمنګان ولايته ولسي جرګې ته نوماند ملا حفيظ الله پژواک خبری اژانس ته وويل چې تېره ورځ د چوجمن، اورلشمن، قدم علي، بيک محمد قدوق او هوتکتي کليو کې د څلورو مرکزونو له ډلې درې يې نن سهار شاوخوا ۹ بجې فعال شول؛ خو يو مرکز غير فعال دی

ايبک (پژواک،١٠ غبرګولى ٩٤): د دولت وسله والو مخالفينو د سمنګان په دره صوف پايين ولسوالۍ کې پر يوه پوسته د بريد په ترڅ کې پنځه  پوليس وژلي، يو ټپي شوى او وسلې يې ترې وړې دي.
د دره صوف پايين د بيانان کلي يوه اوسېدونکي د نوم نه اخيستو په شرط پژواک خبري اژانس ته وويل چې د دولت وسله والو مخالفينو تېره شپه شاوخوا ٢ بجې د دې ولسوالۍ په "کنده موشک" سيمه کې د پوليسو پر پوسته بريد کړى دى.
د ده په خبره، وسله والو مخالفينو له شاوخوا نيم ساعته نښتې وروسته، د دې پوستې شپږ پوليس نيولي، له دې ډلې يې يو افسر او څلور پوليس وژلي، يو پوليس  يې سرسري ټپي کړى دى.

 
ايبک (پژواک ١٢ وږى ٩٣): د ټاکنيزې پروسې غځېدو د سمنګان ولايت د دره صوف بالا ولسوالۍ د ډبرو سکرو د کان عوايد کم کړي او شاوخوا دوه زره کارګر يې بېکاره شوي دي.
د ولسمشرۍ او ولايتي شوراګانو لومړى پړاو ټاکنې د وري مياشتې په ١٦مه او د ولسمشرۍ دويم پړاو د غبرګولي په ٢٤مه نېټه ترسره شوې، د ټاکنيزو ډلو ترمنځ د اختلافاتو او پراخې درغلۍ د ادعاوو له مخې يې پايلې تر اوسه هم نه دې اعلان شوې.
اوسمهال د ټولو رايو د تفتيش او د تقلبي رايو د باطلېدو بهير روان دى، خو د عبدالله عبدالله ټاکنيزې ډلې ويلي، چې د دوى د غوښتنو د نه منلو په صورت کې د دغه بهير پايلې نه مني.

 
مزارشريف (پژواک ١٣ لړم ٩٢): د سمنګان د ولايتي شورا غړي او اوسېدونکي وايي، چې د لارو بندېدو او لري والي له امله لرې پرتې سيمې د ټاکنو له کارتونو بې برخې پاتې دي.
د سمنګان د ولايتي شورا غړي احمدعلي شاه تمسکي د لړم په ۱۳مه پژواک خبري اژانس ته وويل، په دغه ولايت کې ډېرې داسې سيمې شته، چې د نوم ليکنې له مرکزونو خورا لرې پرتې دي.
نوموړي زياته کړه، داسې سيمې هم شته، چې د تګ راتګ لارې يې بندې دي، چې له امله يې عام خلک د ټاکنو کارتونه نه شي ترلاسه کولی.