کندوز (پژواک، ٨ زمرى ٩٤): سيمه ييزچارواکي وايي چې طالبانو د کندوز د قلعه زال ولسوالۍ ځينې برخې نيولې، خو په دې او خان اباد ولسواليو کې درنه مرګ ژوبله ور اوښتې ده.
د قلعه زال ولسوال محبوب الله سعيدي وايي چې د بهرنيو وګړو په ګډون سلګونو وسله والو مخالفينو له چهار درې او د کندوز د مرکز له ګورتپې نه پر قلعه زال بريد کړى او نښتې له تېرو دريو ورځو راهيسې روانې دي.
هغه پژواک ته وويل چې طالبانو د دې ولسوالۍ ځينې برخې نيولې او د نښتو پر مهال ٢٥ طالبان او دوه سيمه ييز پوليس وژل شوي، ١٥ طالبان او شپږ پوليس ژوبل شوي دي.
06/11/2018
27/03/2014