چاريکار (پژواک د تلې لومړۍ نېټه ٩٣): د پروان والي، د برهان الدين رباني د درېيم تلين په اړه جوړې شوې ناسته کې د ملي يووالي حکومت پر جوړېدو خوښي څرګنده کړه، خو ويې ويل چې په دواړو ټاکنيزو ډلو کې ځينې کسان د تفرقې اچولو هڅې کوي.
د جمعيت اسلامي ګوند مشر او د افغانستان پخوانى ولسمشر استاد برهان الدين رباني، درې کاله مخکې د وږي په مياشت کې د يوه ځانمرګى بريدکوونکي له خوا، چې ځان يې د وسله والو طالبانو د سولې پيغام راوړونکى معرفي کړى و، کابل کې په خپل کور کې ووژل شو.