شبرغان(پژواک، ۲۶ ليندۍ ٩٢): جوزجان دهېواد له شمالي ولايتونو څخه يو دى، چې په کې د ګازو کانونو پراخه شتون اقتصادي اهميت ورکړى دى. دا ولايت له ترکمنستان سره ګډه پوله لري او په پنځو ساحو کې يې د ګازو زېرمې شته.
ګازي سرچينې د تفحصاتو رياست له خوا کشف شوي او ګټه اخيستنې ته سپارل کېږي او د افغان ګاز تصدۍ رياست يې د وېش او پلور مسووليت پر غاړه لري. په دې ګازي سرچينو کې نږدې څلور زره کارګر په کار بوخت دي.
