ترينکوټ ( پژواک، د زمرى لومړۍ نېټه، ٩٢ ) : د اروزګان ولايت چارواکي او اوسېدونکي که څه هم دا ولايت وروسته پاتې بولي ، خو زياتوي چې په دې وروستيو کې په دې ولايت کې د بيارغونې د پام وړ کارونه شوي دي.
ددې ولايت ډېرى اوسېدونکي د ولسواليو او مرکز د لويو لارو له خرابوالي شکايت کوي او زياتوي ، چې د ناروغانو د لېږد پر مهال له ستونزو سره مخامخ کېږي.
خو چارواکي وايي، چې په دې وروستيو کې ددې ولايت د مرکز ترينکوټ ښار دسړکونو په ګډون د يو شمېر ولسواليو لويې لارې هم په پاخه ډول جوړ ې شوي او پر نورو کار روان دى.
