Kabul ګوندونه

کابل (پژواک، ۳۰ سلواغه ۹۷): سیاسي ګوندونه او جریانونه د ټاکنیزو کمېسیونونو د غړو لرې کول پر ځای اقدام بولي، خو وايي چې د تخنیکي برخې مسوولین یې هم باید له دندو ګوښه او قانوني چلند ورسره وشي.
د شاوخوا ۳۰ ګوندونو او د مدني ټولنو د بنسټونو استازو نن په کابل کې د ناستې پر مهال د درېیم ځل لپاره د کابل رایو تفتیش د قانون خلاف وباله او ویې ویل چې دغه بهیر د سوداګریزو معاملو پیل دی.
دوی وايي، باید ژر تر ژره د کابل د رایو د تفتیش مخه ونیول شي او د کابل ټولې رایې دې لغوه اعلان شي.

کابل (پژواک،۱۴ سلواغه ۹۷): د جمعیت اسلامي رهبرۍ شورا د ملي اردو د ړنګېدو په اړه د عباس ستانکزي په خبرو غبرګون څرګند کړ او ویې ویل، د یاد ګوند یو شمېر غړي د شخصي ګټو لپاره له ټاکنیزو ټکټونو سره یو ځای شوي دي.
د راپورونو له مخې، په قطر کې د طالبانو د سیاسي دفتر مرستیال شېرمحمد عباس ستانکزي په خپلو تازه څرګندونو کې ویلي، د سولې په خبرو کې د طالبانو له یو ځای کېدو سره به د امنیتي ځواکونو تشکیل له منځه لاړ شي.

کابل (پژواک،۷ سلواغه ۹۷): د حراست او ثبات شورا پر دې د ټينګار تر څنګ چې حکومتي مشران دې له «ټاکنیزو کشمکشونو» ډډه وکړي، له داسې سولې ملاتړ اعلان کړ چې د جګړې د پای ته رسېدو او عدالت د تامین لامل شي.

کابل(پژواک، ٥ سلواغه۹۷): حزب وحدت اسلامي وايي چې محقق به د اجراييه رياست د دويم مرستيال په توګه دندې ته ادامه ورکړي او ددغه ګوند په خبره چې د محقق لرې کول د ولسمشر صلاحيت نه دى.

کابل (پژواک، ۲۵مرغومی ۹۷): د افغانستان حرکت انقلاب اسلامي ګوند وایي چې د سولي ټینګښت لپاره باید حکومت ولسمشرۍ ټاکنو کې ځنډ، د لنډمهالې ادارې جوړېدو او طالبان باید له حکومت یا قومي مشرانو سره مخامخ خبرو اترو ته غاړه کېږدي.
د دې ګوند مشر مولوي قلم الدین چې نن يې د ((د سولې بهیر څرنګوالی او پر وړاندې يې عمده ننګونې)) تر نوم لاندې جوړه شوه غونډه کې خبرې کولي، وویل چې دولت د سولې مذاکراتو لپاره پرېکنده هوډ نه لري او دا موضوع سبب شوې څو د سولې خبرې بې پایلې وي.

کابل (پژواک، ۱۵ مرغومی ۹۷): د یو شمېر سیاسي ګوندونو څارونکي د کابل د ولسي جرګې د ټاکنو د رایو پر باطلېدو د ټینګار کولو تر څنګ وايي، ډېر ژر به اړوندو ارګانونو ته د رایو په بیا شمېرنه کې د درغلۍ او ان د کابل د رایو د پېر او پلور اسناد سپاري.

کابل (پژواک، ٢٨ لړم ٩٧): د ولسمشریزو ټاکنو یو شمېر نوماندان او سیاسي ګوندونه د ټاکنو ځنډول ناورین رامنځته کوونکې بولي خو یو شمېر نور وايي، د ټاکنو د هغه ځنډ ملاتړ کوي چې د سولې د رامنځته کېدو لامل ګرځي.
یو شمېر دغه سرچینې وايي چې د افغانستان د ۱۳۹۷ کال د وري د ۱۳مې د ولسمشریزو ټاکنو د ځنډېدو په تړاو د امریکايي چارواکو څرګندونو د ټاکنیزو ټکټونو پر جوړېدو اغېز نه دی کړی خو یو شمېر نور بیا پر دې باور دي چې دا ډول څرګندونې د ټاکنو پر کلي روحیه منفي اغېز کولای شي.

کابل (پژواک، ۱۷ لړم ۹۷): د افغانستان لوی ملي اېتلاف وايي، ډېر ژر به راتلونکو ولسمشريزو ټاکنو ته خپل نوماند معرفي کړي او که ټاکنې وګټي د ولسمشر تر څنګ به د لومړي وزير څوکۍ هم رامنځته کړي.

کابل (پژواک، ۱۵لړم ۹۷): د افغانستان نوین ملي جبهه د افغانستان له ستر ملي ايتلاف څخه جلا شوه او وايي چې د حکومت د جوړېدو د څرنګوالي پر موضوع اختلاف او د ايتلاف د یو شمېر غړو له خوا د صدارت مقام رامنځته کول له دغه ايتلاف څخه د نوین جبهې د جلا کېدو لاملونه دي.
د افغانستان نوین ملي جبهې د ملي وحدت حکومت د اپوزېسیون په توګه د ۱۳۹۴ کال په مرغومي میاشت کې د شپږو سیاسي ګوندونو او یو شمېر مدني بنسټونو په ګډون خپل موجودیت اعلان کړ.

کابل (پژواک، ۱۳ لړم ۹۷): په داسې حال کې چې ټاکنیزو کمېسیونونو د ټولو پاکو رایې په منلو هوکړه کړې، خو د سیاسي ګوندونو استازي ټینګار کوي چې له بایو مټریک پرته باید نورې رایې د باور وړ ونه ګڼل شي.
د رایې ورکولو په ځنیو مرکزونو کې د پاکو او ناپاکو رایو د ګډېدو( مخلوط کېدو) څخه د اندېښنو په دوام څو ورځې وړاندې ټاکنیزو کمېسیونونو د رایې شمېرنې د بهیر د ښه مديریت، ترلاسه شوو شکایتونو ته د رسېدو او راتلوونکو مرحلو کې د احتمالي ګډوډۍ د مخنیوي په موخه د ټاکنو د قانون، لوایحو، کړنلارو او د دواړو کمېسیونونو د مصوبو په نظر کې نیولو سره پر اته ماده لرونکې خبرپاڼې هوکړه وکړه.